تھائی لینڈ میں منعقد ہونے والی 57 ویں ایشیائی باڈی بلڈنگ اینڈ فزیک اسپورٹس چیمپئن شپ اور 19 ویں SEABPF چیمپئن شپ 2025 میں پاکستان کے نام ایک اور عظیم اعزاز درج ہوا۔ خیبر پختونخوا سے تعلق رکھنے والے معروف باڈی بلڈر جناب اعجاز احمد نے ماسٹر کلاس (50–60 سال، 80 کلوگرام سے زائد) کے کیٹیگری میں شاندار کارکردگی کا مظاہرہ کرتے ہوئے گولڈ میڈل اپنے نام کیا۔
اعجاز احمد کی یہ کامیابی نہ صرف ان کی ذاتی محنت، لگن اور عزم کا نتیجہ ہے بلکہ یہ پورے پاکستان خصوصاً خیبر پختونخوا کے لیے ایک باعثِ فخر لمحہ ہے۔ جب اس کامیابی کے موقع پر پاکستان کا قومی ترانہ بجا، تو شرکاء اور تماشائیوں کی آنکھوں میں خوشی کے آنسو اور دلوں میں بےپناہ فخر کی کیفیت تھی۔
اس عظیم کامیابی نے ایک بار پھر یہ ثابت کیا کہ محنت، استقامت اور عزم کے ساتھ پاکستانی کھلاڑی دنیا کے کسی بھی پلیٹ فارم پر نمایاں مقام حاصل کر سکتے ہیں۔ اعجاز احمد کی یہ جیت نوجوانوں کے لیے ایک روشن مثال اور آنے والی نسلوں کے لیے تحریک ہے۔
